15/02/2013 18:08:32

Shinzo Abe takohet me Obamën në Washington

Abe pritet të niset nga Tokio të enjten e ardhshme për një vizitë zyrtare prej katër ditësh në SHBA

TOKIO - Kryeministri japonez, Shinzo Abe do të zhvillojë një takim me presidentin, Barack Obama në Uashington, më 22 shkurt, me një menu bisedimesh ku do të përfshihen veçanërisht çështja e Koresë së Veriut, u shpreh sot zëdhënësi i qeverisë japoneze, Yoshihide Suga.

Abe pritet të niset nga Tokio të enjten e ardhshme për një vizitë zyrtare prej katër ditësh në SHBA. "Ai do të shoqërohet nga ministri i Jashtëm japonez, Fumio Kishida, i cili ka në plan të zhvillojë bisedime me sekretarin amerikan të Shtetit, John Kerry", deklaroi Suga në një konferencë shtypi.

Ky takim i parë mes kryeministrit Shinzo Abe dhe presidentit Barack Obama do të jetë rasti i shkëmbimeve të pikëpamjeve mbi një sërë çështjesh duke përfshirë jo vetëm marrëdhëniet bilaterale, por edhe situatën në rajonin Azi-Paqësor si dhe çështjen e Koresë së Veriut.

HermesNews - ©2013

Dërgo me email | Stampo artikullin