08/05/2013 16:50:08

Kroaci, 17 arrestime per korrupsion

Të dyshuarit, mes të cilëve edhe një shtetas kinez, kanë ulur në mënyrë të paligjshme vlerën e taksave të doganave për mallrat e importuara nga Kina

ZAGREB - Policia kroate ka arrestuar 17 persona, përfshirë 10 doganierë, të dyshuar për korrupsion, bënë të ditur burime zyrtare vendase. "Të 17 personat e arrestuar janë akuzuar për ryshfet dhe falsifikim të dokumenteve zyrtare", theksuan burimet zyrtare vendase.

"Të dyshuarit, mes të cilëve edhe një shtetas kinez, kanë ulur në mënyrë të paligjshme vlerën e taksave të doganave për mallrat e importuara nga Kina dhe nga Italia si dhe kanë falsifikuar dokumente për sasitë dhe çmimet e tyre", shtuan burimet zyrtare kroate.

Burimet zyrtare nuk dhanë hollësi të mëtejshme mbi këto mallra, por rrjeti televiziv vendas njoftoi se bëhej fjalë kryesisht për veshje, këpucë dhe pajisje elektrike.

HermesNews - ©2013

Dërgo me email | Stampo artikullin