01/07/2013 20:33:17

Lufta për trasparencë e Papa Françeskut

Papa ndërmorri masa duke emëruar një komision indagues që të hedhë dritë mbi çdo aktivitet bankar në Vatikan

VATIKAN- Pas arrestimit të një prelati në Vatikan, që administronte pasuritë e Selisë së Shenjtë, Papa ndërmorri masa duke emëruar një komision indagues që të hedhë dritë mbi çdo aktivitet bankar në Vatikan, duke treguar kështu se nuk u beson zërave që siguronin besim dhe ndershmëri pas zgjedhjes së tij. Do të jetë magjistratura ajo që do të vendosi për përgjegjësitë e imzot Nunzio Scarano, i akuzuar para dy muash për riciklim parash dhe tashmë i arrestuar me akuzën se ka tërhequr 20 mijë euro nga Zvicera në Itali. Magjistratura e akuzon për përdorim të mëdha shumash parash. Edhe Papa Benedikti XVI kishte filluar të ndërmerrte masa për riciklimin e parave brenda Vatikanit, por pati shumë pengesa gjatë rrugës. Në shumë fjalime të Papa Françeskut është mëse i qartë qëllimi për të hedhur dritë mbi aktivitetet e paligjshme financiare si për shembull shprehja e tij e famshme : “ Shën Pjetri nuk kishte një konto në bankë”.

Daniela Vathi

Dërgo me email | Stampo artikullin