07/01/2013 16:31:45

'Cari i antiterrorizmit' në krye të CIA-s

Barack Obama pritet të njoftojë sot emërimin e Brennan në krye të CIA-s si dhe ish-senatorin republikan, Chuck Hagel, në postin e Leon Panettas, në krye të Pentagonit

SHBA - Mediat e amerikane njoftuan në faqet e tyre zyrtare të internetit pak minuta më parë se personi që vetë shtypi e ka konsideruar si "Cari'' i antiterrorizmit në Shtetet e Bashkuara të Amerikës dhe më saktësisht i Shtëpisë së Bardhë, John Brennan do të emërohet në krye të CIA-s.

''Cari i antiterrorizmit në Shtëpinë e Bardhë, John Brennan do të emërohet nga presidenti amerikan, Barack Obama në krye të shërbimeve sekrete amerikane CIA'', njoftonte rrjeti informativ britanik BBC, që citonte disa prej mediave kryesore të SHBA-së.

"Brennan ka besimin e plotë të presidentit", theksuan burimet zyrtare vendase. "Për katër vjet, ai ka qenë i përfshirë në të gjitha çështjet kryesore që lidhen me sigurinë kombëtare", shtuan burimet zyrtare amerikane.

"Barack Obama pritet të njoftojë sot emërimin e Brennan në krye të CIA-s si dhe ish-senatorin republikan, Chuck Hagel, në postin e Leon Panettas, në krye të Pentagonit", sipas burimeve zyrtare amerikane.

Në vitin 2009, Brennan u përzgjodh në krye të shërbimeve sekrete amerikane, por më pas u detyrua të heqë dorë, veçanërisht për shkak të kritikave kundrejt deklaratave të tij në favor të disa teknikave të diskutueshme të marrjes në pyetje

HermesNews - ©2013

Dërgo me email | Stampo artikullin