15/01/2013 09:03:01

Treni nga shinat, 19 viktima: 107 te plagosur

Më tepër se 60 ambulanca erdhën në vendngjarje, skuadrat e shpëtimit u përpoqën të nxirrnin të mbijetuarit dhe trupat e pajetë

KAJRO - Të paktën 19 persona humbën jetën dhe 107 të tjerë u plagosën sot në jugperëndim të Kajros pas daljes nga shinat të një treni, që po transportontre rekrutë të ushtrisë egjiptiane, njoftoi Ministria egjiptiane e Shëndetësisë.

"Treni po udhëtonte nga pjesa jugore e vendit drejt Kajros, kur dy vagonë dolën nga shinat pak pas mesnate në Badrasheen, një qytet në Guizeh", theksuan burime zyrtare egjiptiane.

Më tepër se 60 ambulanca erdhën në vendngjarje, skuadrat e shpëtimit u përpoqën të nxirrnin të mbijetuarit dhe trupat e pajetë. "Të plagosurit u transportuan drejt spitaleve lokale", theksoi Ministria e Shëndetësisë.

Në muajin nëntor rreth 50 fëmijë humbën jetën në Egjipt nga përplasja e një autobusi me një tren në Manfalout, në provincën Assiout, në qendër të vendit, një tragjedi që solli dorëheqjen e ministrit të Transporteve dhe manifestime të ashpra.

HermesNews - ©2013

Dërgo me email | Stampo artikullin