07/03/2013 10:11:40

Shkup, dështon marëveshja zgjedhore mes BDI-PDSH

Në konferencën e djeshme për shtyp shefi i shtabit zgjedhor të PDSH-së Bekim Fazliu, duke iu përgjigjur kolegut të tij të BDI-së, Abdilaqim Ademi për skenarë ogurzi të oponentëve politikë, kritikoi ashpër BDI-së

SHKUP - Dy ditë pasi zyrtarë të lartë të BDI-së akuzuan parti rivale se po punojnë për të provokuar incidente të dhunshme si të ditëve të fundit, kryetari i PDSH-së Menduh Thaçi refuzoi të firmosë me kryetarin e BDI-së, Ali Ahmeti një marrëveshje si ajo e vitit 2011 për zgjedhje të lira, të ndershme dhe demokratike.

"Nuk e dimë arsyen se pse u refuzua nënshkrimi i kësaj marrëveshjeje, por ne përsërisim qëndrimin se do të ishte mirë që edhe njëherë të ripërsëritej vullneti i mirë i vitit 2011 dhe që rezultoi me zgjedhje të lira'', tha zëdhënësi i BDI-së Bujar Osmani.

Ndërkohë, në konferencën e djeshme për shtyp shefi i shtabit zgjedhor të PDSH-së Bekim Fazliu, duke iu përgjigjur kolegut të tij të BDI-së, Abdilaqim Ademi për skenarë ogurzi të oponentëve politikë, kritikoi ashpër BDI-së.

"Ne si PDSH të vetëdijshëm për seriozitetin e situatës dhe me qëllim që situata të mos përkeqësohet edhe më shumë, ditëve të kaluara zgjodhëm të mos prononcohemi dhe të mos i përgjigjemi BDI-së... duke i thënë asaj të rrijë e qetë pasi humbja në këto zgjedhje nuk do të thotë fundi i botës'', deklaroi Fazliu.

HermesNews - ©2013

Dërgo me email | Stampo artikullin