18/09/2013 08:48:48

Betohet Kryeministri i ri Tony Abbott

Lideri konservator e çoi opozitën drejt fitores gjatë zgjedhjeve parlamentare të 7 shtatorit

KANBERRA - Kryeministri i ri australian, Tony Abbott bëri sot betimin duke i bërë thirrje qeverisë së djathtë të fillonte menjëherë punën për rimëkëmbjen e ekonomisë, bënë të ditur burime zyrtare vendase. Lideri konservator e çoi opozitën drejt fitores gjatë zgjedhjeve parlamentare të 7 shtatorit. "Kjo ditë nuk është vetëm një ditë ceremonie, por edhe një ditë veprimi", deklaroi ai. "Australianët presin nga ne që të fillojmë menjëherë punën dhe pikërisht kjo është ajo që do të bëjmë", shtoi ai. Mediat vendase njoftuan fitoren e opozitës konservatore të kryesuar nga Tony Abbott në zgjedhjet parlamentare. Konservatorët fituan 90 nga 150 vende në parlament. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin