01/07/2013 15:33:47

Kina zbut qëndrimin ndaj Dalai Lamës

Pekini tolerant ndaj liderit shpirtëror të tibetanëve, të cilëve tashmë u lejohet të mbajnë foto të tij

PEKIN - Kina zbut qëndrimin e saj ndaj liderit shpirtëror të tibetanëve, të cilëve tashmë u lejohet të mbajnë foto të tij. Edhe pse një hap i vogël, është shumë domethënës. Pas shumë dekadash, murgët Tibetan kanë mundësinë të shfaqin fotografi të Dalai Lamës, së paku në provincat kineze të Qinghai dhe të Sichuan.

Radio free Asia ka specifikuar gjithashtu se ligji i ri mund të shtrihet edhe në zona të tjera, si Tibet-i dhe kryeqyteti i tij Lhasa. Eshtë rishikuar gjithashtu edhe politika mbi kritikat ndaj figurës së Dalai Lamës, lideri në mërgim, i cili u bë simboli i luftës paqësore dhe prej vitesh dërgon përpara kërkesën për një autonomi të Tibetit brenda Republikës Popullore Kineze.

Daniela vathi

Dërgo me email | Stampo artikullin