11/09/2013 15:55:22

Do të mbajmë presionin ushtarak në Siri: një shans diplomacisë

Gjatë një fjalimi, presidenti amerikan dënoi sulmin me armë kimike të kryer më 21 gusht

WASHINGTON - Presidenti amerikan, Barack Obama u shpreh se do t'i jepte edhe një mundësi përpjekjeve diplomatike duke i kërkuar Kongresit të mos votojë menjëherë rezolutën, që autorizon përdorimin e forcës në Siri, por paralajmëroi se SHBA-ja do të mbante "presionin" ushtarak. Gjatë një fjalimi, presidenti amerikan dënoi sulmin me armë kimike të kryer më 21 gusht, në afërsi të Damaskut, ku humbën jetën 1 429 persona. Ai përmendi "burra, gra dhe fëmijë të vrarë nga përhapja e gazrave" sipas pamjeve të transmetuara nga rrjetet televizive. "E dimë se regjimi i presidentit sirian, Bashar al-Assad është përgjegjës", deklaroi Obama duke shtuar se "tani çështja është nëse SHBA-ja dhe komuniteti ndërkombëtar janë të gatshëm ta përballojnë". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin