18/02/2013 10:14:41

Armenët rizgjedhin Serge Sarkisian për një tjetër mandat presidencial

Dy milion e gjysëm votues pritet të votojnë sot në zgjedhjet presidenciale që do të monitorohen deri në mbylljen e qendrave të votimeve rreth orës 16:00

(18:50) Presidenti armen në largim, Serge Sarkisian u rizgjodh president i vendit pas marrjes së rreth 60 për qind të votave gjatë zgjedhjeve të sotme presidenciale, sipas një sondazhi të bërë publik para pak minutash. ''Sarkisian ka siguruar deri tani 58 për qind të votave, ndërkohë që rivali i tij kryesor, ish-ministri i Jashtëm, Raffi Hovannissian mori 32 për qind të tyre'', sipas një sondazhi të institutit ''Gallup''.


EREVAN - Armenët votojnë sot për të zgjedhur presidentin e tyre, në zgjedhjet thelbësore për demokracinë e ish-Republikës Sovjetike. Rreth 2,5 milionë votues pritet të votojnë sot në zgjedhjet presidenciale që do të monitorohen deri në mbylljen e qendrave të votimeve rreth orës 16:00 GMT nga mbi 600 vëzhgues ndërkombëtarë. Presidenti Serge Sarkissian, 59 vjeç, i cili paraqitet për një mandat të dytë kundër gjashtë konkurrentëve të tjerë është favorit në këto zgjedhje me 68 për qind të nivelit të mbështetjes sipas sondazheve të institutit "Gallup", kundrejt 24 për qind për rivalin e tij kryesor, ish-ministri i jashtëm Rafi Hovanissian, 54 vjeç.

HermesNews - ©2013

Dërgo me email | Stampo artikullin