22/01/2014 13:52:20

Përshkallëzohet dhuna në Ukrainë

Ashton, 'dënoj me forcë përshkallëzimin e dhunshëm të ngjarjeve në Kiev dhe kërkoj një ndërprerje të menjëhershme të dhunës'

BRUKSEL - Bashkimi Europian ka bërë sot thirrje për një ndalim të menjëhershëm të dhunës në Ukrainë, pas përplasjeve mes policisë dhe manifestuesve që deri tani kanë marrë jetën e dy personave në Kiev, sipas prokurorisë ukrainase. “Unë dënoj me forcë përshkallëzimin e dhunshëm të ngjarjeve në Kiev dhe kërkoj një ndërprerje të menjëhershme të dhunës”, deklaroi shefja europiane e diplomacisë, Catherine Ashton, në një komunikim për shtyp të dhënë nga Brukseli. “Informacionet për vdekjen e disa manifestuesve janë burim për shqetësime serioze”, ka theksuar Ashton. Prokurori i përgjithshëm ukrainas ka deklaruar se dy njerëz janë vrarë me plumba në qendër të Kievit, ku përplasje të dhunshme kanë filluar mes forcave të rendit dhe manifestuesve. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin