29/12/2013 09:30:26

Viktima pas një aksidenti në Indi

Disa nga pasagjerët arritën të aktivizojnë sistemin e alarmit që ndaloi trenin dhe pjesa më e madhe e tyre arriti të shpëtojë duke u hedhur nga dritaret

NEW DEHLI - Të paktën 26 persona kanë humbur jetën dhe 15 të tjerë janë plagosur për shkak të zjarrit që ra në një tren ekspres që udhëtonte nga Bangalore në Nanded dhe ku mendohet se shkaku ishte një lidhje e shkurtër në sistemin e ajrimit të trenit, njoftoi agjencia indiane e lajmeve PTI. Disa nga pasagjerët arritën të aktivizojnë sistemin e alarmit që ndaloi trenin dhe pjesa më e madhe e tyre arriti të shpëtojë duke u hedhur nga dritaret. Ndihma e shpejtë që arriti në vendgjarje rikuperoi trupat e të vdekurve të cilët ishin krejtësisht të karbonizuar dhe do të duhet të kryhet testi i ADN-së për t’i identifikuar. Qeveria deklaroi menjëherë pas ngjarjes se do t’i japë dëmshpërblime personave të prekur, konkretisht do të japë 500 000 rupi (6 000 euro) për viktimat, 100 000 (1 200 euro) për ata që kanë marrë djegie të rënda dhe 50 000 (600 euro) për të lënduarit e lehtë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin