29/10/2014 12:19:12

Pak gjyqtarë, shtyhen çështjet

Në Gjykatën Themelore në Prishtinë kanë mbetur pezull rreth 300 mijë çështje

PRISHTINË - Sistemi gjyqësor në Kosovë vazhdon të përballet me problemin e numrit të vogël të gjyqtarëve, gjë që po shkakton mos efikasitet në punë dhe grumbullim të madh të çështjeve, të cilat nuk po mund të zgjidhen. Numri i vogël i gjyqtarëve vazhdon të jetë problem në zgjidhjen e dhjetëra mijëra çështjeve të vjetra dhe kryerjes së punës me efikasitet. Madje, sipas tyre që nga paslufta vetëm sa është eksperimentuar me Gjykatat, por asnjëherë nuk është menduar për një strategji të mirëfilltë. "Ne në vazhdimësi kemi pasur problem me numrin e gjyqtarëve. Në fakt prej vitit 2000 deri në vitin 2010 numri i gjyqtarëve jo që është plotësuar, por është rritur, ndërsa numri i rasteve është ngritur në Gjykata. Në vitin 2010 ka ndodhur ai emërimi dhe riemërimi i të gjithë gjyqtarëve dhe për fat të keq nuk kemi pasur kandidatë të mjaftueshëm, që i plotësojnë kushtet për ta ushtruar funksionin e gjyqtarit dhe në atë kohë kemi mbetur mangut diku 130 gjyqtarë", tha Peci. Në Gjykatën Themelore në Prishtinë kanë mbetur pezull rreth 300 mijë çështje. Gjykatë deri më tani ka operuar me 74 gjyqtarë, kurse në konkursin e fundit pritet t’i shtohen edhe 25 gjyqtarë të rinj.

HermesNews - ©2014

Dërgo me email | Stampo artikullin