15/10/2014 16:44:44

Në pritje të bisedimeve të reja

Zgjidhjet duhet të gjenden brenda kuadrit kushtetues dhe bazuar në vendimet e Gjykatës Kushtetuese

PRISHTINË - Presidentja e Republikës së Kosovës, Atifete Jahjaga, pritet të nisë sot pasdite raundin e shtatë të takimeve të veçanta me liderët e partive politike parlamentare në kuadër të procesit të lehtësimit të diskutimeve drejt ndërtimit të institucioneve të zgjedhjeve të 8 qershorit, duke kërkuar rrugë që shmangin përsëritjen e tyre. Në takimet e raundit të gjashtë, të premten, Jahjaga përsëriste qëndrimin se “zgjidhjet duhet të gjenden brenda kuadrit kushtetues dhe bazuar në vendimet e Gjykatës Kushtetuese”, ndërsa theksonte “domosdoshmërinë që liderët, duke e vlerësuar seriozitetin e situatës në të cilën gjendet vendi, të ofrojnë zgjidhjet që çojnë drejt ndërtimit të institucioneve, duke kërkuar rrugë që shmangin përsëritjen e zgjedhjeve”.

HermesNews - ©2014

Dërgo me email | Stampo artikullin