13/10/2014 12:25:59

Kosova drejt zgjedhjeve të parakohshme. Raundi i VIItë i bisedimeve

Liderët e partive politike mund të përballen me një afat të kufizuar kohor për gjetjen e zgjidhjes rreth formimit të institucioneve të reja

PRISHTINË - Presidentja Atifete Jahjaga nis raundin e shtatë të takimeve të veçanta, për të shmangur përsëritjen e zgjedhjeve. Në raundin e 6të të takimeve Jahjaga tha se, "gjetja e shpejtë e një emëruesi të përbashkët nga takimet do të mund të çonte drejt një takimi më të gjerë, të përbashkët, për ta përmbyllur gjithë proçesin". Jahjaga, shumë shpejt t’ua bëjë të ditur liderëve të partive politike se mund të përballen edhe me një afat të kufizuar kohor për gjetjen e zgjidhjes rreth formimit të institucioneve të reja. Në të kundërtën, mungesa e gjetjes së një zgjidhjeje kushtetuese, do ta çonte vendin drejt zgjedhjeve të parakohshme parlamentare. Ndonëse në Kushtetutën e Kosovës dhe aktgjykimin e Gjykatës Kushtetuese nuk parashikohet që vendi të shkojë në zgjedhje për mungesë të zgjedhjes së kryetarit të Kuvendit, presidentja e ka një mundësi tjetër që të marrë vendimin e saj, duke u bazuar në Kushtetutë.

HermesNews - ©2014

Dërgo me email | Stampo artikullin