01/10/2014 15:44:01

Fillon viti i ri akademik në Kosovë

''Në epokën e zhvillimin të shtetit tonë, roli i studentëve dhe profesorëve të universiteteve të Republikës së Kosovës është rol përcaktues në kuadër të proceseve të integrimit''

PRISHTINË - Në Kosovë ka nisur sot viti i ri akademik edhe me përkujtimin tradicional të protestës së fuqishme të studentëve dhe profesorëve të Universitetit të Prishtinës, të 1 tetorit 1997, në mbrojtje të arsimit shqip, për lirimin e Universitetit e shkollave të okupuara nga regjimi i dhunës serbe. Me rastin e fillimit të vitit të ri akademik, ministri kosovar i Arsimit, Shkencës dhe Teknologjisë, Ramë Buja, uroi të gjithë studentët dhe profesorët, duke theksuar se, “në epokën e zhvillimin të shtetit tonë, roli i studentëve dhe profesorëve të universiteteve të Republikës së Kosovës është rol përcaktues në kuadër të proceseve të integrimit”. Këshilli Studentor i Universitetit të Prishtinës “Hasan Prishtina”, së bashku me protagonistë të Lëvizjes Studentore të ’97-ës, vizitojnë Lagjen “Velania” në Prishtinë, vendin ku në vitin 1997 pati nisur protesta studentore dhe do i bëjnë homazhe e nderime rektorit historik, Ejup Statovci, i cili së bashku me studentët ishte në ballë të protestave.e UÇK-së. Disa nga protagonistët kanë deklaruar se kjo lëvizje ka qenë pantere strategjike e Shtabit të Përgjithshëm të UÇK-së. Sipas tyre, Lëvizja Studentore e ’97-s ka sensibilizuar opinionin ndërkombëtar se UÇK-ja buronte nga populli liridashës i Kosovës.

HermesNews - ©2014

Dërgo me email | Stampo artikullin