03/09/2014 12:11:52

Ndërrohen komandatët e KFOR

Në kampin Film City zhvillohet sot ceremonia zyrtare e ndërrimit të Komandës

PRISHTINË - Në Prishtinë në kampin Film City zhvillohet sot ceremonia zyrtare e ndërrimit të Komandës së Forcës së Kosovës, KFOR, ku detyrën e komandantit e merr Gjeneral Major Francesco Paolo Figliuolo, nga Gjeneral Major Salvatore Farina. Ministri Agim Çeku, në emër të Ministrisë dhe FSK-së i dha gjeneral major Salvatore Farina, medaljen “Shërbim i Shquar”, me motivacion: “Për mbështetjen e jashtëzakonshme gjatë shërbimit si komandant i KFOR-it në Prishtinë. Vizioni strategjik, lidershipi dhe përkushtimi i tij ishin thelbësorë në ndihmën e ofruar Forcës së Sigurisë së Kosovës në zhvillimin e kapaciteteve të saj”. Para një viti, në 6 shtator, Gjenerali italian Farina mori përgjegjësinë e komandantit të Forcës së NATO-s në Kosovë nga komandanti i deriatëhershëm, Gjeneral Majori gjerman Volker Halbauer, në ceremoninë e ndërrimit të komandës në Shtabin e Përgjithshëm të KFOR-it në Prishtinë.

HermesNews - ©2014

Dërgo me email | Stampo artikullin