01/09/2014 18:50:52

Medalje Shërbimi, komandatit të KFOR

Ministri i Ministrisë për Forcën e Sigurisë së Kosovës, Agim Çeku i ndau gjeneral major Salvatore Farina, medaljen ''Shërbim i Shquar''

PRISHTINË - Ministria për forcën e sigurisë së kosovës mbajti sot ceremoni ushtarake për nder të komandantit të KFOR-it, gjeneral major Salvatore Farina, me rastin e përfundimit të misionit të tij në Republikën e Kosovës. Në aktivitetin festiv ishin rreshtuar Togu Ceremonial i FSK-së, Kuadratet e Njësive të FSK-së, si dhe Trupa muzikore e FSK-së. Ministri i Ministrisë për Forcën e Sigurisë së Kosovës, Agim Çeku i ndau gjeneral major Salvatore Farina, medaljen “Shërbim i Shquar”, me motivacion: “Për mbështetjen e jashtëzakonshme gjatë shërbimit si komandant i KFOR-it në Prishtinë. Vizioni strategjik, lidershipi dhe përkushtimi i tij ishin thelbësor në ndihmën e ofruar Forcës së Sigurisë së Kosovës në zhvillimin e kapaciteteve të saja”.

HermesNews - ©2014

Dërgo me email | Stampo artikullin