13/08/2014 18:21:04

Dy arrestime për drogë

Arrestohen dy persona të dyshuar dhe konfiskohen mbi 18 kilogramë marihuana

PRISHTINË - Antidroga ka realizuar me sukses operacionin policor të koduar "Plantacioni", gjatë të cilit janë arrestuar një shqiptar dhe një kosovar, nën akuzën për, "blerje, posedim, shpërndarje dhe shitje të paautorizuar të narkotikëve të rrezikshëm dhe substancave psikotropike". Operacioni është realizuar në rajonin e Gjakovës në bashkëpunim edhe me njësi tjera të Policisë së Kosovës dhe ka rezultuar me arrestimin e dy personave, shqiptarë kosovarë. Policia sekuestroi 59 bimë të llojit Kanabis Sativa me gjatësi nga 50 cm deri 3 metra; 18 kg e 584.5 gr substancë të dyshuar narkotike të llojit marihuana; 51.9 gramë substancë të dyshuar narkotike të llojit kokainë.

HermesNews - ©2014

Dërgo me email | Stampo artikullin