01/08/2014 07:11:04

Vrapojmë Shtigjeve të Enver Zymberit

Vrapimi rrugor prej 6 km u organizua nga komuna e Mitrovicës për nder të trevjetorit të rënies në detyrë të policit Enver Zymberi

PRISHTINË - Aktiviteti “Vrapojmë Shtigjeve të Enver Zymberit” u organizua sot në qytetin e Mitrovicës, për nder të trevjetorit të rënies në detyrë të policit kosovar të njësisë speciale, gjatë një aksioni për të vënë nën kontroll pikat kufitare në veri të Kosovës, Jarinjë dhe Bërnjakë. Në maratonën më qëllim të afirmimit dhe ngritjes se vlerave sportive, sipas zyrës së shtypit të komunës, pjesëmarrës ishin pjesëtarët e Policisë së Kosovës, FSK-së, KFOR-it, EULEX-it dhe anëtarët e klubeve të atletikës së Kosovës. Vrapimi rrugor prej 6 km u organizua nga komuna e Mitrovicës - Drejtoria për Kulturë, Rini dhe Sport, në bashkëpunim me Ministrinë kosovare të Kulturës, Rinisë dhe Sportit, Federatën e Atletikë së Kosovës, klubet e atletikës “Trepça” , “Trepça 89” dhe “Mitrovica”.

HermesNews - ©2014

Dërgo me email | Stampo artikullin