04/06/2014 15:07:25

I dërguari i OKBsë në Prishtinë

Presidentja e Kosovës, Atifete Jahjaga, priti në takim Ndihmëssekretarin e Përgjithshëm të OKB-së për Misionet Paqeruajtëse, Edmond Mulet

PRISHTINË - Presidentja e Republikës së Kosovës, Atifete Jahjaga, priti sot në takim Ndihmëssekretarin e Përgjithshëm të OKB-së për Misionet Paqeruajtëse, Edmond Mulet. Jahjaga, sipas burimeve zyrtare të Presidencës së Kosovës, e njoftoi Mulet me zhvillimet e përgjithshme në vend, për procesin e dialogut me Serbinë dhe për zgjedhjet e parakohshme parlamentare, të cilat do të mbahen këtë të diele. Ajo theksoi se të gjithë qytetarët duhet të ushtrojnë të drejtën e tyre dhe të votojnë për të zgjedhur përfaqësuesit legjitim. Presidentja Jahjaga tha se për 15 vjet Kosova ka arritur përparim të konsiderueshëm në fuqizimin e institucioneve demokratike dhe në partneritet me komunitetin ndërkombëtarë ka ndërtuar një shtet gjithëpërfshirës. Mulet falënderoi Presidenten Jahjaga për përfaqësimin e Kosovës në Këshillim e Sigurimit dhe për rolin e Presidentes për partneritetin me OKB-në.

HermesNews - ©2014

Dërgo me email | Stampo artikullin