23/05/2014 14:36:24

Komision për fondin e punësimit

Qeveria miratoi vendimin për rekomandimin e presidentes së Republikës për autorizimin e Ministrit të Financave për të nënshkruar Marrëveshjen mes qeverisë së Kosovës dhe qeverisë së SHBA-së për të përmirësuar përputhshmërinë e rregulloreve tatimore

PRISHTINË - Qeveria e Republikës së Kosovës, në mbledhjen e sotme, të drejtuar nga kryeministri Hashim Thaçi, miratoi themelimin e komisionit ndërqeveritar, i cili do të kryejë analizat përkatëse për themelimin e Fondit për Punësim dhe Zhvillim. Komisioni mund të ftojë edhe përfaqësues të tjerë nga institucionet e Kosovës dhe nga sektori i biznesit, të cilët mund të kontribuojnë pë zhvillimin e fondit. Në mbledhje qeveria miratoi vendimin për rekomandimin e presidentes së Republikës për autorizimin e Ministrit të Financave për të nënshkruar Marrëveshjen mes qeverisë së Kosovës dhe qeverisë së SHBA-së për të përmirësuar përputhshmërinë e rregulloreve tatimore në nivel ndërkombëtar dhe zbatimin e rregulloreve të FACTA-s, si dhe vendimin për themelimin e Task Forcës Ndërinstitucionale për lehtësimin e lëvizjes së personave, mjeteve dhe mallrave në kufirin Kosovë-Shqipëri.

HermesNews - ©2014

Dërgo me email | Stampo artikullin