10/05/2014 19:40:07

20 kg droge ne Morine

Janë sekuestruar 20 kg lëndë narkotike në Morinë, që kanë tentuar të hynin nga Shqipëria për në Kosovë

MORINE - Operacioni i koduar “Drini i Bardhë”, nga forcat e policisë së qarkut të Kukësit, ka bërë të mundur sekuestrimin e një sasie prej 20 kilogram lënde narkotike, canabis sativa, ndërkohë që ka vënë në pranga dy personat që po e transportonin atë. Sipas policisë së Kukësit, aksioni është finalizuar në orët e para të mëngjesit të sotëm, ku në automjetin tip citroen me targë AA 576 JD ishin fshehur, në pjesë të ndryshme të tij ,e gjithë sasia e drogës e ndarë në disa pako të veçanta. Gjatë kontrollit oficerët policorë, kanë sekuestruar gjithë sasinë e lëndës narkotike, ndërkohë që kanë prangosur menjëherë dy shtetasit R. Miri 29 vjeç, lindur e banues në Tiranë, dhe shtetasin A. Xha 23 vjeç. Nga hetimet e deritanishme, bëhet e ditur se sasia e lëndës narkotike ishte e destinuar për në shtetin e Kosovës, çka i ka obliguar ekspertët, që të nisin hetimet për identifikimin dhe kapjen e personave, që kanë lidhje me këtë rrjet trafikimi, me palën kosovare.

RTK

Dërgo me email | Stampo artikullin