09/05/2014 08:07:38

Dhjetë ditë fushatë zgjedhore

KQZ mbështeti propozimin për caktimin prej 10 ditësh të kohëzgjatjes së fushatës parazgjedhore, nga data 28 maj deri në 6 qershor 2014

PRISHTINË - Komisioni Qendror i Zgjedhjeve i Kosovës, në një mbledhje sot pasdite, kryesuar nga kryetarja Valdete Daka, mori vendim për miratimin e afateve dhe aktiviteteve kryesore të Zgjedhjeve të Parakohshme Parlamentare 2014. KQZ mbështeti propozimin për caktimin prej 10 ditësh të kohëzgjatjes së fushatës parazgjedhore, nga data 28 maj deri në 6 qershor 2014. Po ashtu, Komisioni Qendror i Zgjedhjeve miratoi Planin Operacional për Zgjedhjet e Parakohshme Parlamentare 2014, të cilat do të mbahen më 08 qershor. Në këtë mbledhje, KQZ caktoi edhe përbërjen e Këshillit për Informim Publik, si dhe miratoi ftesën për nominimin e anëtareve për Komisionet Komunalet të Zgjedhjeve, që do t’iu dërgohet subjekteve politike që kanë qenë të përfaqësuara në Kuvendin e Republikës së Kosovës. Anëtarët e KQZ-së diskutuan idenë për gjetjen e mundësive nga ana e Sekretariatit të KQZ-së për transparencë më të madhe gjatë procesit të numërimit të votave.

HermesNews - ©2014

Dërgo me email | Stampo artikullin