24/03/2014 11:38:38

Dorëzohen kufomat e 27 të zhdukurve gjatë luftës në Kosovë

Kosova, 15 vjet pas luftës vazhdon të kërkojë zbardhjen e fatit të 1700 qytetarëve të saj të zhdukur

PRISHTINE - Identifikohen 27 persona të zhdukur gjatë luftës në Kosovë. Eshtrat do t'u dorëzohen sot familjarëve nga departamenti i mjekësisë ligjore. 27 kosovarët bënin pjesë në listën e 46 të zhdukurve gjatë viteve 98' - 99'. Ceremonitë e rivarrimit, do të organizohen në 26 mars 2014, me rastin e shënimit të 15 vjetorit të masakrave në fshatrat e Prizrenit dhe Suharekës. Kosova, 15 vjet pas luftës vazhdon të kërkojë zbardhjen e fatit të 1700 qytetarëve të saj të zhdukur. Me këtë mesazh fotografitë e të pagjeturve janë rivendosur nga familjarët në këtë muaj marsi në rrethojat e Kuvendit e Qeverisë, në sheshin qendror të Prishtinës. Qeveria e Republikës së Kosovës u ka bërë thërrje autoriteteve të Serbisë dhe ka kërkuar nga bashkësia ndërkombëtare që të ushtrojë trysni tek autoritetet serbe për ofrimin e informacioneve për fatin dhe vendndodhjen e personave të rrëmbyer dhe të zhdukur, gjatë luftës.

HermesNews - ©2014

Dërgo me email | Stampo artikullin