03/01/2014 20:33:44

Strategji e përbashkët në luften kundër krimit

Krerët u angazhuan per vazhdimin e bashkëpunimit të ndërsjellë mes të dy policive ne perpjekjet e përbashkëta në fushën e luftimit të krimit

PRISHTINË - Drejtori i përgjithshëm i Policisë së Kosovës, Shpend Maxhuni, ka pritur sot në takim në Prishtinë Drejtorin e Policisë së Shtetit të Shqipërisë, Artan Didi, i cili kishte për qëllim forcimin e bashkëpunimit policor mes të dy vendeve, më qëllim luftimin e kriminalitetit që ndërlidh dy vendet. Burime nga Policia e Kosovës bene te ditur se Maxhuni tha se, "gjendja e sigurisë në dy vendet konsiderohet të jetë e qetë dhe stabile dhe se kjo është një nga parakushtet kryesore dhe esenciale që proceset në të cilat janë duke shkuar Kosova dhe Shqipëria t’i ndihmojnë që dy vendet të jenë edhe aty ku e meritojnë". Dy krerët e policive u angazhuan per vazhdimin e bashkëpunimit të ndërsjellë mes të dy policive ne perpjekjet e përbashkëta në fushën e luftimit të krimit, krimit të organizuar dhe atij trans-kufitar. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin