12/12/2013 18:27:16

Prishtinë, konferencë për LGBT

Konferenca ka për qëllim vëtëdijësimin e qytetarëve për grupet e margjinalizuara dhe kujdesin e shtuar që u nevojitet komuniteteve të caktuara për të jetuar të lirë dhe në mënyrë të dinjitetshme në shoqërinë Kosovare

PRISHTINË - Ministrja kosovare e Integrimit Europian Vlora Çitaku, si dhe Instituti për qëndrueshmëri dhe zhvillim të rinisë në europën jug-lindore kanë mbajtur sot konferencën me titull “Integrimi i Komunitetit LGBT dhe të drejtat e njeriut në Kosovë, gjendja e tanishme, politikat dhe angazhimi nga viti 2014”.

Sipas njoftimit nga Ministria kosovare, kjo konferencë ka për qëllim vëtëdijësimin e qytetarëve për grupet e margjinalizuara dhe kujdesin e shtuar që u nevojitet komuniteteve të caktuara për të jetuar të lirë dhe në mënyrë të dinjitetshme në shoqërinë Kosovare.

Ministrja e Integrimit Europian, Vlora Çitaku njëkohësisht kryesuese e kësaj konference fillimisht i falenderoi të pranishmit për pjesmarrje në këtë konferencë. Ajo e ripotencoi para panelistëve në këtë konferencë qëndrimin e institucioneve të Kosovës se nuk do të tolerohet akush të frikësoj, diskriminoj apo edhe të trajtoj në mënyrë të paparabartë asnjë qytetarë të Kosovës dhë të gjitha praktikat diskriminuese do të denohen nga institucionet shtetërore. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin