03/11/2013 15:33:06

Presidentja Jahjaga e kenaqur per procesin zgjedhor

Test i pjekurise politike ne Kosove

PRISHTINE- Zgjedhjet e sotme lokale kosovare janë test i pjekurisë politike dhe i demokracisë tonë të brendshme, tha Presidentja e Republikës së Kosovës, Atifete Jahjaga pasi votoi në qendrën e votimit në sallën "1 Tetori" në Prishtinë. "Sot unë kreva obligimin tim qytetar për të votuar. U bëj apel të gjithë qytetarëve të Republikës së Kosovës që të zgjedhin përfaqësuesit e tyre duke dalë masovisht sot për të votuar", u shpreh ajo.

Jahjaga tha se, këto zgjedhje janë test i pjekurisë tonë politike, janë test i demokracisë tonë të brendshme dhe janë dëshmia e një shteti gjithëpërfshirës, të cilin ne jemi duke e krijuar si Republikë e Kosovës. "Dita kur shprehet vullneti politik është një ditë kremte, është edhe përkujtimi më i mirë për sakrificën nëpër të cilën ka kaluar shoqëria", deklaroi Presidentja e Kosovës.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin