23/08/2013 10:46:50

Policia rrugore 937 gjoba trafiku

Për motive të ndryshme janë arrestuar 16 persona e 11 të tjerë janë ndaluar

PRISHTINË - Gjatë 24 orëve të fundit Policia ka vendosur 937 gjoba për kundërvajtje në qarkullim, ndërsa kanë ndodhur 14 aksidente me të lënduar dhe 52 pa të lënduar. Bëhet e ditur se për motive të ndryshme janë arrestuar 16 persona e 11 të tjerë janë ndaluar.

Një nga rastet e evidentuara në raportin 24 orësh të Policisë së Kosovës ka ndodhur në Lagjen Dardania në qytetin e Prizrenit, ku një shqiptar kosovar ka raportuar se ndërsa ishte duke rinovuar bodrumin e shtëpisë se tij ka hasur në dy granata dore dhe shtatë karikatorë të AK-47 me municion, që më pas në vendin e ngjarjes janë tërhequr nga njësiti i EOD-së.

Po ashtu, janë evidentuar dy raste të dyshimeve për monedha të falsifikuara, e më pas të konfiskuara - 200 euro në Prishtinë e 100 në Gjilan, të raportuar në Polici nga punonjës të bankave në këto qytete, pasi paratë ishin deponuar nga dy persona.

HermesNews - ©2013

Dërgo me email | Stampo artikullin