07/06/2013 12:18:01

Zbatimi i marëveshjes në Bruksel

Sipas burimeve të medias, temë kryesore është zgjidhja e çështjes së policisë dhe të gjyqësisë në kuadër të asociacionit të komunave serbe

PRISHTINË - Kosova dhe Serbia, me ekipet e tyre, vazhdojnë sot bisedimet e zhvilluara edhe gjatë dy ditëve të kaluara në Bruksel, për planin e zbatimit të marrëveshjes së 19 prillit. Sipas burimeve të medias, temë kryesore është zgjidhja e çështjes së policisë dhe të gjyqësisë në kuadër të asociacionit të komunave serbe, të paraparë me marrëveshje, si dhe çështjet e energjisë dhe të telekomunikacionit.Afati i fundit për gjetjen e zgjidhjeve për këto çështje, sipas planit të zbatimit, është 16 qershori. "Grupet janë në Bruksel dhe unë besoj që do të kemi rezultate pozitive", ka theksuar kryeministri kosovar, Hashim Thaçi, dy ditë më parë në takimin me ambasadorët e Bashkimit Evropian të akredituar në Prishtinë, të cilët i ka njoftuar për procesin e zbatimit të marrëveshjes.

HermesNews - ©2013

Dërgo me email | Stampo artikullin