22/04/2013 09:41:44

Marëveshja me Serbinë shkakton tensione në Parlament

Rreth mesnatës, në kohën kur deputetët e Vetëvendosjesk kanë penguar fjalimin përmbyllës të kryeministrit, aktivistë të këtij subjekti opozitar kanë dalur para Kuvendit për të protestuar kundër marrëveshjes së arritur mes Thaçit dhe Daçiçit në Bruksel

PRISHTINË - Kuvendi i Kosovës në seancën e jashtëzakonshme miratoi sot, rreth një orë pas mesante, marrëveshjen me Serbinë, të arritur në Bruksel para tre ditësh, në raundin e dhjetë të dialogut në nivel kryeministrash.

Votimi u zhvillua në një atmosferë të tensionuar e të zhurmshme dhe thirrjeve të deputetëve të Vetëvendosjes “mos votoni, mos votoni”. “89 vota pro, 5 kundër, 1 abstenim”, konstatoi kryeparlamentari Jakup Krasniqi dhe mbylli seancën në Kuvend, rreth selisë së të cilit rreth mesnate kishte filluar protesta e qindëra aktivistëve të Vetëvendosjes.

“Pauzë një orë”, tha kryeparlamentari Jakup Kraniqi në mesanatë në një atmosferë të tendosur nga kundërshtimet e Vetëvendosjes, pasi kryeministri Hashim Thaçi mes zhurmës ka mbajtur fjalimin e tij përmbyllës, pas pauzës që zgjati më shumë se 10 minuta që u dha pasi kreu i qeverisë u pengua me “performancën” me zhurma e pankarta të subjektit të udhëhequr nga Albin Kurti, i përfaqësuar me 12 deputetë, të cilët në diskutimet e tyre kanë theksuar edhe “praninë e madhe” të policisë rreth ndërtese.

“Ju ftoj që të votoni pro marrëveshjes”, u ka bërë thirrje Thaçi deputëtëve. Pas orës 20:00 të mbrëmjes së djeshme ka nisur në Prishtinë seanca e Kuvendit të Republikës së Kosovës, e jashtëzakonshme, e kërkuar nga kryeministri Thaçi, pas marrëveshjes Prishtinë-Beograd, të parafuar para tre ditësh në Bruksel.

Kryeministri kosovar, Hashim Thaçi pas kthimit nga Brukseli ka paralajmëruar se, “ne, të hënën duhet t’ia dërgojmë përgjigjen Baroneshës Ashton”. Kryeministri i Serbisë, Ivica Daçiç, sipas medias serbe, ka thënë se mbledhja e Qeverisë, në të cilën do të merret vendimi për pranimin apo refuzimin propozim marrëveshjes me Prishtinën, do të mbahet sot, dhe pastaj vendimi i saj do t’i përcillet Kuvendit Popullor në verifikim.

Sipas tij, parlamenti do të takohet disa ditë më vonë dhe nëse ai nuk e verifikon propozimin, kjo do të thotë se Qeveria nuk ka mbështetje. “Nëse Qeveria e miraton marrëveshjen pres që Serbia ta marrë datën për fillimin e negociatave mbi anëtarësimin në BE”, ka thënë Daçiç.

HermesNews - ©2013

Dërgo me email | Stampo artikullin