19/04/2013 10:01:55

Rezoluta për Kosovën, një hap tjetër drejt integrimit

Parlamenti Europian ka miratuar dje rezolutën për Kosovën, me të cilën edhe një herë mbështet procesin e integrimeve europiane për vendin

PRISHTINË - Qeveria e Republikës së Kosovës falënderon Parlamentin Europian për miratimin e rezolutës për Kosovën dhe mbështetjen e dhënë Kosovës, përmes inicimit dhe miratimit të rezolutës.

Në komunikatën për shtyp shkruhet se Qeveria thekson përkushtimin e saj, të të gjitha institucioneve shtetërore të Kosovës dhe të popullit të Kosovës, për plotësimin e të gjitha standardeve dhe kritereve për integrimin e vendit në Bashkimin Europian dhe NATO.

Parlamenti Europian ka miratuar dje rezolutën për Kosovën, me të cilën mbështet proçesin e integrimeve europiane për vendin. Rezoluta u bën thirrje pesë vendeve të Bashkimit Europian, që nuk e kanë njohur ende shtetësinë e Kosovës, ta bëjnë një gjë të tillë.

Në këtë votim ka kaluar edhe amandamenti për të hequr fusnotën nga teksti, ku përmendet emërtimi i Kosovës. Ky tekst ishte vendosur me propozimin e disa deputetëve nga vendet që nuk e njohin Kosovën. Kërkesa për ta hequr këtë funsnotë ka marrë shumicën e votave në seancën e djeshme të Parlamentit Europian.

HermesNews - ©2013

Dërgo me email | Stampo artikullin