18/04/2013 09:54:54

Palët kërkojnë kohë për marëveshjen

Shefja e politikës së jashtme të Bashkimit Europian, Catherine Ashton, ka lënë të kuptohet se palëve u është dhënë edhe ca kohë për të vendosur nëse mund ose jo të finalizojnë marrëveshjen

PRISHTINË - Kosova pranon marrëveshjen pa ndonjë ndryshim, ndërsa Serbia deklaroi se "është e gatshme që në ditët e ardhshme të vazhdojë këtë dialog" dhe pritet të marrë vendimin deri në fund të javës, u bë e ditur në fillimin e ditës së sotme, pas bisedimeve në Bruksel, në raundin e nëntë, të filluara dje rreth në orës 10:30 e që vazhduan bashkë me pauzat e konsultimet më shumë se 13 orë, edhe natën vonë, pas ndërprerjes në mbrëmje e pas gjithë ditës me takime dypalëshe e trepalëshe të ndërmjetësues, përfaqësues së lartë të BE-së, baroneshës Catherine Ashton, me dy kryeministrat, Hashim Thaçin e Ivica Daçiçin. "Sot (e mërkure) ka qenë një ditë e gjatë dhe intensive. Jemi përpjekur të përafrojmë të gjitha idetë e ndryshme që kanë qenë në diskutim gjatë këtyre muajve të fundit dhe kemi kërkuar nga delegacionet e Prishtinës dhe të Beogradit që t’i shqyrtojnë këto propozime dhe të shohim nëse mund të arrihet marrëveshja. Herën e kaluar kam thënë se marrëveshja është afër, se dallimet janë të ngushta, por të thella. Sot, mund të them me besim të vërtetë se dallimet janë të ngushta dhe të cekëta", thuhet në deklaratën e baroneshës Ashton.

HermesNews - ©2013

Dërgo me email | Stampo artikullin