23/02/2013 16:59:45

Prishtinë, të shtëna në aeroport: dy të plagosur

Njësitë policore kanë reaguar menjëherë në vendin e ngjarjes, ku sipas hetimeve fillestare njëri nga të dyshuarit me pistoletë ka qëlluar në drejtim të dy personave

PRISHTINË - Dy persona janë plagosur dhe dy janë arrestuar, pas disa të shtënave sot rreth mesditës, në parkingun komercial të Aeroportit Ndërkombëtar të Prishtinës. Burime nga policia e Kosovës bënë të ditur se, njësitë policore kanë reaguar menjëherë në vendin e ngjarjes, ku sipas hetimeve fillestare njëri nga të dyshuarit me pistoletë ka qëlluar në drejtim të dy personave. Dy të plagosurve u është dhënë ndihma e parë nga mjekët e Aeroportit dhe më pas janë dërguar në Qendrën Klinike Universitare të Prishtinës. Ndërkohë që, Policia Kufitare në Aeroport ka bërë sigurimin e vendit të ngjarjes, ka njoftuar nënstacionin policor më të afërt dhe prokurorinë.

HermesNews - ©2013

Dërgo me email | Stampo artikullin