21/01/2013 16:12:50

Jahjaga dënon dëmtimin e varrezave

Jahjaga: 'dëmtimi i varrezave është në kundërshtim me vlerat e shoqërisë në Kosovë dhe me traditën e tolerancës dhe të respektit ndërmjet njerëzve, religjioneve dhe kulturave të ndryshme'

PRISHTINË - Presidentja e Republikës së Kosovës, Atifete Jahjaga, dënoi sot aktin e dëmtimit të varrezave të komunitetit serb në Kllokot duke e cilësuar si një vepër të papranueshme dhe të patolerueshme. Në një njoftim të zyrës së shtypit të Presidentes Jahjaga, theksohet se, "dëmtimi i varrezave është në kundërshtim me vlerat e shoqërisë në Kosovë dhe me traditën e tolerancës dhe të respektit ndërmjet njerëzve, religjioneve dhe kulturave të ndryshme". Presidentja e Republikës së Kosovës u bën thirrje organeve të hetuesisë që të gjejnë dhe kapin autorët e këtij akti vandal dhe t’i vënë ata përpara drejtësisë.

HermesNews - ©2013

Dërgo me email | Stampo artikullin