09/01/2013 09:32:35

Ministri Panariti, presion mbi Beogradion: identiteti i paprekshëm

Heqja e përmendores në Preshevë, tensione në rajon

PRISHTINE - Ministri i jashtëm i Shqipërisë Edmond Panariti, gjatë një interviste dhënë Radio Dukagjinit tha se, nuk do të këtë marëdhënie me Serbinë nëse nuk përmirësohet gjendja social-ekonomike në Luginën e Preshevës.

"Ne konsiderojmë se shqiptarët e Luginës së Preshevës kanë të drejtat e tyre të pamohueshme që lidhen me lirinë e shprehjes, me mbrojtjen dhe kultivimin e identitetit, kulturës, gjuhës dhe vlerave të tyre kombëtare e historike, ashtu sikurse këto të drejta sanksionohen dhe nga Konventa Europiane e të drejtave të njeriut", tha Panariti.

Pyetjes se ç'do ndodhte nëse Beogradi e largon me forcë përmendoren, Panariti iu përgjigj se Beogradi do ketë përgjegjshmëri për të reflektuar, për të mos ndërmarrë akte të tilla ekstreme. "Acarimi i situatës, krijimi i tensioneve të panevojshme në këtë rajon do kenë efekt në gjithë Ballkanin. Ju e dini se Ballkani Perëndimor ka si objektiv madhor integrimin në BE, dhe krijimi i tensioneve të panevojshme, konflikte të tilla, përpos situatave të tjera të rënduara në vendet fqinje", tha ministri shqiptar.

HermesNews - ©2013

Dërgo me email | Stampo artikullin