08/11/2014 16:39:35

Prioritetet me borxhin publik

Në situatën e Shqipërisë, kemi një borxh të quajtur të papërballueshëm për ekonominë edhe kosto e shërbimit të tij është mjaft e lartë, 3.4 % e GDP-së, gati sa defiçiti buxhetor

TIRANE - Borxhi kombëtar duhet stabilizuar dhe pikërisht këtu orientohet dhe projektbuxheti i vitit 2015, thotë deputeti i Partisë Socialiste, Ervin Bushati, anëtar i Komisionit Parlamentar të Ekonomisë. "Dhënia prioritet i ujes së borxhit publik dhe detyrimeve të prapambetura do të thotë rritje e besimit të biznesit vendas dhe rritje e kredibilitetit të Shqipërisë në sytë e investitorëve të huaj”. Investimet publike në nivelin 5.4 % janë të kënaqshme.

Nga pikpamja ekonomike, Bushati thotë ulja e borxhit dhe kostos së shërbimit të borxhit është në vetvete një kursim parash që mund të shkojnë për investime. "Në situatën e Shqipërisë, kemi një borxh të quajtur të papërballueshëm për ekonominë edhe kosto e shërbimit të tij është mjaft e lartë, 3.4 % e GDP-së, gati sa defiçiti buxhetor", thotë ai. Shërbimi ndaj borxhit, ulja e tij, krijon kushtet e një rritjeje të besimit si në tregjet ndërkombëtare adhe ato të brendshme që përkthehet në ulje të kostos së borxhit, rritje te investimeve të huaja.

Shqipëria në marrëveshjen me FMNnë e ka adresuar me të drejtë disiplinën fiskale dhe mbarëvajtjen e borxhit kombëtar, si nje nga priorietetet për tu mbajtur në këtë mandat.

HermesNews - ©2014

Dërgo me email | Stampo artikullin