18/11/2014 20:14:28

Rama sot në Presidencë për Bankën

Takimi i Kryeministrit me Presidentin Nishani vjen edhe një ditë pasi Presidenca u ankua për buxhetin që i është përcaktuar për vitin 2015

TIRANE - Kryeministri Edi Rama zhvilloi sot paradite një takim në presidencë me Kreun e Shtetit Bujar Nishani. Edhe pse ende nuk ka një njoftim zyrtare për çështjen e këtij takimi që zgjati 20 minuta, por mendohet se është diskutuar për zgjedhjen e anëtarëve të Këshillit Mbikqyrës të Bankës së Shqipërisë dhe Guvernatorit të ri. Por takimi i Kryeministrit me Presidentin Nishani vjen edhe një ditë pasi Presidenca u ankua për buxhetin që i është përcaktuar për vitin 2015. Përmes një letre drejtuar kreut të Kuvendit dhe krerëve të grupeve parlamentare Presidenti Nishani theksonte se fondi për Presidencën është ulur me 3.4%, çka rrezikon disa prej aktiviteteve që ky institucion ka në axhendë për të organizuar për vitin që vjen.

HermesNews - ©2014

Dërgo me email | Stampo artikullin