03/11/2014 15:23:17

Pellegrini: e merituam fitoren

Tekniku kilian u shpreh se ndeshjet derbi gjithmonë janë të veçanta

TIRANE - Trajneri i Manchester Cityt, Manuel Pellegrini, tha se është i lumtur me paraqitjen e skuadrës së tij në fitoren kundër Manchester Unitedit. Kampionët e Anglisë të dielën mundën ‘Djajtë e Kuq’ me rezultat 1-0, në “Etihad Stadion”, në kuadër të Premier League-s.Tekniku kilian u shpreh se ndeshjet derbi gjithmonë janë të veçanta. Sipas tij, Manchester City e ka merituar fitoren.“Ndeshjet derbi gjithmonë janë të veçanta, edhe kundër Manchester Unitedit ishte e tillë. Ne kemi punuar shumë dhe vërtetë kemi luajtur mirë”, ka thënë Pellegrini. “Ndoshta ne tani kemi filluar të luajmë ashtu siç duhet në kampionat. Askush nuk e di si do të përfundojë sezoni, por natyrisht ne do të përpiqemi për ta mbrojtur titullin”, tha ai.

HermesNews - ©2014

Dërgo me email | Stampo artikullin