17/09/2014 15:41:29

Mblodhëm më tepër taksa

Kemi 2 miliard lekë ose 2 milionë dollarë që janë përtej objektivit ambicioz të vendosur bashkë me FMN-në, që na japin mundësinë që këtë vit të fillojmë me uljen e defiçitit dhe borxhit publik

TIRANË - Kryeministri Edi Rama deklaroi të mërkurën, gjatë një konference për shtyp, se “për herë të parë pas 5 vitesh kemi një rishikim buxheti me rritje”. Duke folur para mediave, Kryeministri Rama renditi të gjithë sektorët ku do të rialokohen fondet, pas rishikimit të buxhetit. “Kemi 2 miliard lekë ose 2 milionë dollarë që janë përtej objektivit ambicioz të vendosur bashkë me FMN-në, që na japin mundësinë që këtë vit të fillojmë me uljen e defiçitit dhe borxhit publik, edhe pse objektivi i vendosur bashkarisht me FMN-në ishte që ulja e defiçitit dhe e borxhit të fillonte vitin e ardhshëm”, tha Rama. Sipas tij, “është hera e parë pas 5 vitesh që rishikimi i buxhetit nga qeveria bëhet me rritje dhe jo me rënie”. “Kjo do të thotë se kemi pasur fatkeqësinë që për 5 vite rresht të kishim një qeveri që bënte parashikime përtej mundësive, duke shfrytëzuar paratë e parashikuara, por që nuk i kishte, për tam-tame propagandistike, dhe pastaj rikthehej në parlament në fund të vitit për ta rishikuar buxhetin me humbje.

HermesNews - ©2014

Dërgo me email | Stampo artikullin