03/08/2014 21:28:36

Grigoletto: Vllaznia do ndërtohet shumë shpejt

Drejtori teknik i "Gea Sport" Alessandro Grigoletto është takuar pasditen e sotme me kryetarin e Bashkise Shkoder Lorenc Luka teksa kanë biseduar mbi problemet e fundit të krijuar në klubin Vllaznia

HermesNews - Grigoletto deklaron se janë diskutuar disa pika të cilat mendon se nuk janë të pazgjidhshme. "Kompania "Gea Sport" është e vendosur për të vazhduar punën tek Vllaznia. Unë merrem vetëm me anën teknike megjithatë besoj se gjërat kanë për ët shkuar mirë"- ka thënë ai. Grigoletto ben ten ditur se projekti i "Gea Sport" ne vitin e pare eshte per tu njohur me skuadren. Pretendimet do te jene ne vitin e dyte dhe te trete." Sivjet jemi vonë me përgatitjet megjithatë do të njohim skuadrën dhe besoj se do të jemi konkurrentë. Shpejt do vijnë disa lojtarë cilësorë në skuadër dhe po ashtu ajo do të shkojë në fazë përgatitore për t'u bërë gati për kampionat sa më shpejt të jetë e mundur"- ka thënë krahu i djathtë i presidentit Nava.

Në këtë takim ka munguar Ardian Grabova i cili në ditët në vijim pritet të zgjidhet administrator i Vllaznise ndërsa të pranishëm kanë qënë stafi teknik bashkë me zëvëndëspresidentin Isuf Isufi dhe shefin e klubit Armir Grima.

Pas këtij takimi ka folur edhe juristi i Bashkise Shkoder Suel Hadri që ka thënë: "Bashkia Shkoder dëshiron që kontrata e bashkëpunimit me kompaninë "Gea Sport" të vazhdojë dhe i bëjmë thirrje drejtuesve të kësaj kompanie ta zbatojë atë. Që do të thotë se ajo duhet të sjellë sa më parë emrat e Bordit Mbikëqyres që të nisin nga puna. Më pas të bëjnë derdhjen e shumes së garancisë prej 35 mijë eurosh dhe po ashtu edhe këstin e parë po në këtë shumë kur të vijë momenti". Nga ana tjetër, Ardian Grabova ndonëse ka munguar në takimin e sotëm ka garantuar vazhdimësinë e kompanisë "Gea Sport" tek Vllaznia dhe ka sqaruar se pozicioni i tij do të jetë ai i administratorit.

Arbër Meçenovi

Dërgo me email | Stampo artikullin