08/07/2014 13:34:51

Boterori po shkaterron ekonomine

Kupa e Botes, vrasese e 250 mije familjeve

BRAZIL - Boterori i futbollit ka shkaterruar me mijera familje dhe jete mes me te varferve ne Brazil. Gjithcka tregohet nga e perditshmja gjermane “Die Welt”, e cila shkruan mbi viziten ne disa lagje te qytetit Belo Horizonte, diten e nisjes se ndeshjes mes Brazilit dhe Gjermanise, ndeshje e cila do te vendose edhe finalistin e pare te kesaj kupe.

Gazeta gjermane, rrefen per eksperiencen e nje gruaje braziliane 46 vjecare, Maria da Fenha Fonseca. Jeta e saj thuajse eshte shkaterruar per shkak te boterorit. Gruaja braziliane deri para 8 vjetesh jetonte thuajse ne qender te Belo Horizonte. Punonte ne nje kioske ne te cilen shiste nje pjate tipike braziliane per tifozet qe vinin per te pare ndeshjet ne qytetin e njohur te vendit.

Per 14 vjet, Maria ka shitur specialitetin Feijiao de Tropeiro per tifozet e Cruzeiro Belo Horizonte dhe Atletico Minero, por me pas eshte detyruar te mbylle kiosken e saj e cila ndodhej vetem disa metra larg nga stadiumi. Mes rregullave te reja te vendosura nga Fifa per Boterorin e Brazilit, eshte deklaruar se ne nje zone prej dy kilometrash lejohet shitja e ushqimeve dhe pijeve. Ky rregull ka shkaktuar humbjen e mijera vendeve te punes dhe renien ne varferi te 150 shitesave ambulante ne rruget afer stadiumit Mineirao.

Sipas Argemiro Almeida, njeri nga drejtuesit e levizjes protestuese kunder Fifas, jane gati 250 mije “viktimat e flijuar” nga Boterori. Almeida thekson se kjo kupe po denon dhe renon me se tepermi te varferit. “Nuk jemi kunder boterorit, por kundershtojme dhe organizojme protesta per vendimin e dhene nga Fifa. Sovraniteti i Brazilit eshte limituar per organizimin e ndeshjeve te futbollit.Gjithnje edhe me teper njerez duhet te braktisin shtepite e tyre dhe krijimin e infrastruktures negative”, ka shtuar ai.

Die Welt, shkruan madje se Kupa e Botes ne Brazil eshte edhe kompeticioni me i kushtueshem qe organizohet nga Fifa, duke perfshire ndertimin e stadiumeve, reklamat dhe infrastrukturat e lidhura, me nje kosto prej 14 miliard dollaresh, kur vetem ne vitin 2006 kur Gjermania organizoi kete kompeticion u shpenzuan vetem 6 miliard dollare, apo edhe 4 miliard dollare per ndeshjet ne Afriken e Jugut ne vitin 2010.

Edison Myrteza

Dërgo me email | Stampo artikullin