04/07/2014 01:10:16

Europa League, Flamurtari e nis me fitore

Flamurtari e ka nisur mbarë sezonin ne kupat e Europës

HermesNews - Ekipi vlonjat ka mundur gjeorgjianët e Sioni Bolnisi me rezultatin 3-2. Një fitore me përmbysje, pasi Flamurtari edhe pse e ka shënuar i pari me anë të kapitenit Veliu e ka mbyllur në disavantazh 2 – 1 pjesën e parë. Në të dytën lojtarët shqiptarë që kanë patur më tepër raste arritën të shënonin 2 herë më anë të Kuqit dhe Likës.

Ky sukses e bën më të lehtë kalimin në turin e dytë të Europa League. Laçi ka barzuar 1-1 me sllovenët e Rudar Velenje, ndërsa Kukësi e ka humbur 1-0 sfidën me kazakët e Kairat Almaty në minutat e fundit të sfidës. Ndeshjet e kthimit do të zhvillohen më 10 korrik.

Arbër Meçenovi

Dërgo me email | Stampo artikullin