01/07/2014 18:20:45

Gjallërohet kredia në muajin Maj

Bankat kishin sinjalizuar se do të ishin më aktive në kreditim, teksa një ndikim pozitiv psikologjik dha dhe fillimi i shlyerjeve të detyrimeve të prapambetura

TIRANE - Bizneset dhe individët kanë arritur që të marrin më shumë kredi nga bankat në muajin maj, duke shënuar një rritje prej 0.5% në krahasim me një muaj më parë, sipas statistikave të publikuara nga Banka e Shqipërisë.

Kjo është rritja e dytë mujore në periudhën janar-maj. Bankat kishin sinjalizuar se do të ishin më aktive në kreditim, teksa një ndikim pozitiv psikologjik dha dhe fillimi i shlyerjeve të detyrimeve të prapambetura për biznesin nga Ministria e Financave si dhe lehtesimi i vazhdueshem i politikes monetare nga ana e Bankes Qendrore.

Shtimi i kredisë në maj erdhi pothuajse tërësisht nga rritja e huadhënies për bizneset (korporatat e tjera jo financiare) dhe është dhënë në valutë, ben te ditur BSH-ja.

HermesNews - ©2014

Dërgo me email | Stampo artikullin