04/06/2014 15:14:33

Rritet kostoja e ndertimit

Uljen më të madhe brenda këtij grupi e pati nëngrupi “materiale hidro-sanitare” me 2,4 %

TIRANE - Në tremujorin e parë të vitit 2014, indeksi i kushtimit në ndërtim (për banesa) arriti 101,7 %. Sipas të dhënave zyrtare të Institutit të Statistikave, (INSTAT) në tremujorin e parë 2014 ndryshimi vjetor i indeksit të kushtimit në ndërtim (për banesa) është 0,2 %. Një vit më parë ky ndryshim ishte 1,2 %.

Krahasuar me tremujorin e parë të vitit 2013, grupi “shpenzime materiale” është ulur me 0,3 %. Uljen më të madhe brenda këtij grupi e pati nëngrupi “materiale hidro-sanitare” me 2,4 %. Ndërsa, rritja më e madhe në këtë grup vërehet në nëngrupin ”materiale ndërtimi” me 0,3 %.

Indekset e grupeve “mhpenzime page” dhe “mhpenzime transporti” u rritën respektivisht me 3,6% dhe 0,4% krahasuar me tremujorin e parë të vitit 2013.
Në tremujorin e parë 2014 ndryshimi tremujor i indeksit është – 0,5 %.Indeksi i çmimeve të grupit “shpenzime materiale” është ulur me 0,9 % krahasuar me tremujorin e katërt 2013. Brenda këtij grupi uljen më të madhe e pati nëngrupi “materiale elektrike dhe komunikimi” me 2,3 % dhe rritjen më të madhe nëngrupi “materiale hidro-sanitare” me 0,3 %.

Indekset e grupeve “shpenzime transporti” dhe “shpenzime page” u rritën respektivisht me 2,2 % dhe 1,1% krahasuar me tremujorin e mëparshëm. Ndërsa, indeksi i grupit “shpenzime makinerie” u ul 1,5%.

HermesNews - ©2014

Dërgo me email | Stampo artikullin