01/05/2014 14:11:53

Veliaj lançon fondin prej $2,7 milion për punësimin

Dy programe të rëndësishme për të nxitur punësimin tek të rinjtë, gratë e vajzat. Avantazhe dhe për punësimin e personave me aftësi të kufizuar

TIRANE - Ministri i mirëqënies sociale dhe rinisë, Erion Veliaj, në lançimin e fondit prej 2.7 milion dollarësh, e quajti ditën një mënyrë ideale për të kaluar 1 Majin, krahasuar me paratë e qytetarëve që shkojnë për koncerte.Është një lajm i mirë që rritja ekonomike nga FMN është 2.2 % krahasuar me 6 muaj më parë. Panairi jo vetëm ofron 6 mijë vende të reja pune, por në fakt ofron 6 mijë mundësi, për 6 mijë endrra, të 6 mijë njerëzve reale, tha ministri. Programi i parë i nxitjes së punësimit është për punëkërkuesit e rinj të papunë, për çdo të ri që do të punësohet, ne do të paguajmë 4 muaj pagat e tyre dhe 12 muaj sigurimet shoqërore të plota.

Programi i dytë është për nxitjen e punësimit tek gratë dhe vajzat. Për çdo grua dhe vajzë sigurojmë pagën e pestë dhe gjashtë dhe pagën e njëmbëdhjetë dhe dymbëdhjetë. "Pra pagën në gjysëm, në fundvit dhe 12 muajt të plotë të sigurimeve shoqerore", tha Veliaj.

Risia tjetër e programit është për ata që trajnohen në vendin e punës, "të paguhen gjatë kohës që trajnohen. Ky program për të gjithë kohën e trajnimit, për 12 muaj, kur kompania është e vogel ose e mesme, mbulon 70 % te pagës, kurse kur kompania është e madhe gjatë kohës së trajnimit mbulon 50 % të pagës së ayre që po trajnohen", shtoi Veliaj.

Në fjalën e tij, ministri foli për programin për njerëzit me aftësi te kufizuar. "Fondi i punesimit për njerëz me atësi të kufizuar paguan për 6 muaj rrogën e plotë, 6 muajt e dytë gjysmën e rrogës dhe një million deri në dy million për çdo kompani që do t’i punësojë".

Ministri e vuri dhe theksin tek burokracitë e shkurtuara, që brenda 10 ditësh do te kemi një përgjigje për të gjitha bizneset që kanë mundësuar punësimin e të rinjve dhe grave.

Veliaj u shpreh për të gjithë të diplomuarit që tanimë do të kenë mundësi eksperience. "Për të gjithë studentët do të kenë një praktikë prej 6 muajsh pranë një kompanie, do t’i paguajmë gjatë 6 muajve të praktikës", tha ai.

HermesNews - ©2014

Dërgo me email | Stampo artikullin