01/05/2014 02:00:53

Europa League, Conte: 'Kam shumë besim, nuk kam frikë'

Tekniku thërret tifozët: 'Juventus Stadium do zbresë me ne në fushë. Vidal? Është stërvitur por qëndron në dyshim'

HermesNews - I karikuar dhe i vendosur. Në prag të takimit të kthimit të gjysmëfinales së Europa League kundër Benfica, Antonio Conte paralajmëron portugezët: "Objektivi është gjithmonë të fitojmë. Kam shumë besim, Juventus Stadium do zbresë me ne në fushë. Nëse kam frikë? Është një fjalë që nuk bënë pjesë në fjalorin tonë. Njohim fjalen respekt". Për Vidal: "Është stërvitur por qëndron në dyshim. Nesër do zbuloni nëse do aktivizohet që në fillim apo nga pankina".

Çfarë rëndësia ka ndeshja e nesërme?

"Për si unë i përjetoj ndeshjet, për mua ajo dita më pas është gjithmonë më e rëndësishmja në jetë. Sepse idea është gjithmonë të fitosh. Nuk i ndaj ndeshjet në asnjë klasifikim. Objektivi është të kërkosh të fitosh gjithmonë".

Fakti se duhet të përmbysni rezultatin ndryshon ndonjigje në interpretimin e takimit?

"Ndeshja do luhet 95 minuta, duhet të jemi të zotë të interpretojmë atë 2-1 të takimit të parë. E dimë atë që duhet të bëjmë, zgjedhjet do bëhen në varësi të 95 minuta. Si zgjedhjet fillestare, si lojtarët që mund të aktivizohen e të mund të ndryshojnë lojen. Kam shumë besim, duke ditur që Juventus Stadium do zbresë me ne në fushë".

Si është Vidal?

"Arturo është stërvitur, po bëjmë çdo gjë për ta rikuperuar. Qëndron në dyshim, nesër do zbuloni nëse Vidal do aktivizohet që në fillim apo nga pankina".

Në takimin e parë Juve ka hasur vështërsi në pjesen e parë, ndërsa në pjesen e dyte
skuadra është dukur më e sigurtë. Cila është fëtyra e vërtet e Juve?

"Në takimin e parë kemi luajtur një takim të mirë. Të pësosh gol pas vetëm dy minuta lojë na komplikoj gjërat, por pavarsishtë kësaj Benfica ka luajtur shumë në nisjen, duke ndërtuar pak lojë. Në pjesen e dytë ishte vetëm Juventus në fushë. Rezultati i takimit të parë është gënjeshtar, por dimë që përballojmë një skuader të fortë dhe të mirë. Duhet të jemi të zotë të sulmojmë dhe të evitojm kundërsulmin e Benfica".

Është frikë për nesër?

"Nuk e njohim fjalen frikë. Frika nuk ekziston, nuk bënë pjesë në fjalorin tonë. Njohim fjalen respekt. E kemi merituar gjysmëfinalen, është një moment i magjishëm që duhet ta jetojm me entuziasëm të madhë"

Nesër Benfica do zbuloj të ketë shumë tifoz në Itali?

"Dhe ne kemi shumë tifoz në Portugali....Benfica është pak si Juve në atdhe, o je me te o kundër. Të dyja skuadrat do kenë shumë tifoz këtu dhe në Portugali".

Për Tevez?

"Po bën një sezon të bukur, do bëhet akoma edhe më bukur duke arritur të githë synimet finale".

Të grumbulluar dhe formacioni i mundur

Njëzet e tre të grumbulluar nga Conte për gjysmëfinalen e kthimit të Europa League kundër Benfica në program për tu zhvilluar të Ejten mbrëma në Juventus Stadium: Buffon, Chiellini, Caceres, Ogbonna, Pogba, Pepe, Marchisio, Vucinic, Tevez, Giovinco, Peluso, Llorente, Barzagli, Osvaldo, Bonucci, Padoin, Pirlo, Asamoah, Vidal, Lichtsteiner, Storari, Isla, Rubinho.

Formacioni i mundur: Buffon; Caceres, Bonucci, Chiellini; Lichtsteiner, Vidal (Marchisio), Pirlo, Pogba, Asamoah; Tevez, Llorente.

Arbër Meçenovi

Dërgo me email | Stampo artikullin