30/04/2014 16:04:08

Sfidat rajonale të agrikulturës

Panariti: ''Ne kemi mundësi shumë të mëdha për të dyfishuar shkëmbimet tregtare. Nuk mund të mbetemi në shifrat që na rezultojnë dhe dy vendet të mos jenë antagonistë në shkëmbimet tregtare''

TIRANE - Agrobiznesi dhe industria ushqimore e shqipërisë dhe maqedonisë organizuan sot forumin e nivelit të lartë të vendeve. "Shfrytëzimi i avantazheve konkurruese mes vendeve janë një mundësi e mirë për rritjen e shkëmbimeve tregtare dhe forcimin e bashkëpunimit", tha ministri i agrikulturës Edmond Panarit. Shqipëria importon nga Maqedonia, vajëra vegjetarianë, maja dhe kjo është normale, ndërsa eksportojmë perime të freskëta, bimë medicinale, "sfida është që të orientohemi drejt këtyre zhvillimeve", tha ministri, i cili ftoi investitorët maqedonas të investojnë në pikat e grumbullimit të prodhimeve bujqësore në Shqipëri. "Ne kemi mundësi shumë të mëdha për të dyfishuar shkëmbimet tregtare. Nuk mund të mbetemi në shifrat që na rezultojnë dhe dy vendet të mos jenë antagonistë në shkëmbimet tregtare”, tha ministri Panariti.

HermesNews - ©2014

Dërgo me email | Stampo artikullin