11/04/2014 15:29:11

Euro mbyllet me 140.15 Lekë

Megjithëse euro ka mundur të rikuperohet në fundjavë, ai ka rregjistruar nivelet më të ulëta të vitit gjatë kësaj jave

TIRANE - Në tregun e këmbimit valutor vendas, monedha e përbashkët ka mundur të mbyllë javën këtë të premte duke u këmbyer në nivelin 140.15 lekë në tregun e brendshëm të këmbimit valutor. Megjithëse euro ka mundur të rikuperohet në fundjavë, ai ka rregjistruar nivelet më të ulëta të vitit gjatë kësaj jave. Ai zbriti nën 140 lekë, duke u këmbyer me 139.89 lekë. Sipas agjentëve të këmbimit valutor, rënia e euros gjatë kësaj periudhe ka ardhur si pasojë e kërkesës së ulët për të.“Kjo është një periudhë apatike përsa I përket tregtisë dhe aktiviteteve të tjera të biznesit dhe prandaj edhe kërkesa për valutë është më e ulët”, thonë agjentët.Dollari ndërkohë e ka mbyllur javën në zhvlerësim duke iu afruar nivelit prej 100 lekë.Monedha e gjelbër e ka nisur javën duke u këmbyer me 101.99 lekë dhe e ka mbyllur në kuotën e 100.99 lekë.

HermesNews - ©2014

Dërgo me email | Stampo artikullin