26/03/2014 10:57:24

Siti fiton derbin e Mançesterit, kreu është 3 pikë larg

Mançester Junajtid mund të mos jetë në formën e tij më të mirë në këtë sezon

HermesNews - Mançester Junajtid mund të mos jetë në formën e tij më të mirë në këtë sezon, por fjalët e trajnerit David Mojes “ne do të fitojmë Champions League-n”, apo “Bajerni nuk është kundërshtar edhe aq i frikshëm”, sigurisht që të bënin të mendoje se tashmë kjo skuadër do të shndërrohej totalisht si “Hirushja” brenda një nate, me një të “rënë të shkopit magjik”. Por, mbrëmë, përveç Bajernit, me këto deklarata ka qeshur edhe Mançester Siti, sidomos Edin Xheko, që ndoshta rastësisht e njeh më mirë se Mojes futbollin gjerman. Sulmuesi boshnjak ka shënuar një “dopietë” dje, në fitoren që “Qytetarët” kanë arritur në derbin e Mançesterit, ndaj Junajtidit. Një derbi që sigurisht ka qenë një spektakël më vete, por edhe pse në “Old Trafford” nuk i ka buzëqeshur “Djajve të kuq”, të cilët tashmë shkojnë edhe më poshtë në renditje, teksa Siti fiton derbin e nderit dhe shkon në -3 pikë nga kreu, edhe pse me 2 ndeshje më pak.

Man.Junajtid – Man.Siti 0-3
Xheko 1’, 56’, Jaja Ture 90’

Arbër Meçenovi

Dërgo me email | Stampo artikullin